ليه بنعادي إسرائيل؟ وشنو علاقة الدين بالسياسة؟ وهل الأديان بتطلب مننا ندافع عن بلد بس عشان أهلو مسلمين ولا مسيحيين؟

● ليه شعوب إفريقيا بالذات من أكتر الناس تشدُّد في الإسلام والمسيحية؟
○ وهل نحنا في إفريقيا فهمنا للدين بقى أحسن من الناس الجابو لينا الدين ده من جزيرة العرب وأوروبا؟

نحنا في القرن الـ21، العالم الثاني سبقنا بمراحل. بقوا بيهتموا بالإنسان أولًا، بكرامتو، بعقلو، وبحقو في يختار دينو أو حتى ما يكون عندو دين.

الدين هناك بقى حاجة شخصية، حرية فردية، وما في زول بيقاتل أو بيعادِي دولة تانية بس عشان اختلاف ديني.

لكن نحنا، في قارتنا، قدمنا الدين على الإنسان، خلطنا السياسة بالدين، وقاتلنا بعضنا بإسم الدين، والنتيجة؟ دم ودمار وفرقة.

لم نقف عند هذا الحد بل أصبحنا نعادِي دول ما عندها أي علاقة بينا، لا جغرافياً ولا تاريخياً، بس عشان “عقيدتهم” مختلفة.
طيب سؤال بسيط: هل الدين بتتطلب مننا ندافع عن إيران؟!

● عشان كدا، رسالتي لي شعوب إفريقيا:
اختاروا الدين البريحكم، لكن ما تخلو الدين يفرق بيناتكم، أو يكون سبب في عداء مع شعوب ما عندها عداء معاكم أصلاً.
قارتنا وإنسانها أهم من أي شي تاني، ولازم نحافظ عليهم فوق كل اعتبار.

الشيخ: _ ود تمبول 🖊